Na Uschodnich mohiłkach adkryjuć nadmahilny manumient Źmitraku Biadulu
3 listapada na Uschodnik mohiłkach u Minsku adbudziecca cyrymonija adkryćcia nadmahilnaha manumienta znakamitamu biełaruskamu piśmieńniku i hramadskamu dziejaču Źmitraku Biadulu. Mierapryjemstva prymierkavana da Dnia pamiaci kłasika, paviedamlaje Dziaržaŭny muziej historyi biełaruskaj litaratury.
Eskizny varyjant nadmahilnaha pomnika Źmitraku Biadulu. Skrynšot ź videarepartažu ANT
Źmitrok Biadula (sapraŭdnaje imia Samuił Płaŭnik) naradziŭsia 23 krasavika 1886 hoda ŭ vioscy Pasadziec Łahojskaha rajona. Heta adzin z najbolš viadomych pradstaŭnikoŭ biełaruskaj litaratury pačatku XX stahodździa, tvorčaść jakoha zrabiła značny ŭniosak u raźvićcio nacyjanalnaj kultury i litaraturnaj movy.
Źmitrok Biadula
3 listapada 1941 hoda 55‑hadovy Źmitrok Biadula pamior u evakuacyi kala horada Uralsk u Kazachstanie, dzie i byŭ pachavany na haradskich mohiłkach.
U lutym 2020 hoda adbyłasia ekshumacyja pareštkaŭ kłasika, jany byli dastaŭlenyja samalotam z Kazachstana ŭ Biełaruś. 3 listapada 2020 hoda prach piśmieńnika pierapachavali na Uschodnich mohiłkach u Minsku.
Dziaržaŭny muziej historyi biełaruskaj litaratury vystupiŭ inicyjataram dabračynnaha zboru srodkaŭ na stvareńnie nadmahilnaha manumienta piśmieńnika. U vyniku praviedzienaj pracy ŭdałosia sabrać pałovu nieabchodnaj sumy na stvareńnie pomnika. Astatniaja častka finansavańnia była vydzielenaja ź dziaržaŭnaha biudžetu.
Pomnik stvaryli skulptar Siarhiej Humileŭski i architektar Viktar Karaka.
Ušanavać pamiać Źmitraka Biaduli źbiarucca litaratary, dziejačy kultury, naščadki, dabračyncy i prychilniki jaho tvorčaha talentu.
Pačatak cyrymonii — 3 listapada a 12‑j hadzinie.
Čytajcie taksama:
TEST: Ci dobra vy viedajecie historyju biełaruskich habrejaŭ?
Kaho ź biełaruskich piśmieńnikaŭ najbolš vydavali za savieckim časam? Nie ŭsich vy viedajecie
Stała viadoma, jak budzie vyhladać nadmahille Źmitraka Biaduli