Biełarusy paciarpieli ŭ DTZ u Irkuckaj vobłaści, dzie sutyknulisia čatyry fury
Try čałavieki zahinuli ŭ DTZ z čatyrma furami ŭ Irkuckaj vobłaści Rasii. Siarod zahinułych i paciarpiełych jość biełarusy.
U Kujtunskim rajonie Irkuckaj vobłaści Rasii na fiederalnaj trasie R-255 «Sibir» adbyłosia sutyknieńnie čatyroch vielikahruznych aŭtamabilaŭ.
U vyniku avaryi na miescy zahinuli dvoje kiroŭcaŭ. Paźniej stała viadoma, što treci paciarpieły, špitalizavany ŭ balnicu, taksama pamior.
Viadoma, što siarod zahinułych i paciarpiełych jość hramadzianie Biełarusi i Kitaja. Inšyja detali nie nazyvajucca. Pra zdareńnie prainfarmavanyja Ministerstvy zamiežnych spraŭ abiedźviuch krain.
Ruch na miescy DTZ całkam pierakryty ŭ abodvuch napramkach.
Na miescy zdareńnia pracujuć ratavalniki, miedyki, supracoŭniki palicyi i darožnaj słužby.