Minčuk admoviŭsia ad seksu ź dziaŭčynaj, i jamu pryjšłosia za admovu zapłacić 6000 rubloŭ
«Potym patelefanavaŭ Ibrahim».
27‑hadovy žychar Minska źviarnuŭsia ŭ milicyju paśla taho, jak jaho pačali šantažyravać i pahražać raspravaj jamu i jaho blizkim. Hrošy ad chłopca patrabavali za admovu ad intymnych pasłuh.
Minčuk paznajomiŭsia ź dziaŭčynaj na śpiecyjalizavanym sajcie i spytaŭ pra intymnyja pasłuhi za hrošy. Taja nazvała canu — 2000 rubloŭ.
Jak paviedamlaje milicyja, mužčyna admoviŭsia ad prapanovy, paličyŭšy sumu zavyšanaj.
Paśla hetaha jamu patelefanavaŭ nieviadomy, nazvaŭsia Ibrahimam i, pahražajučy fizičnaj raspravaj, zapatrabavaŭ zapłacić «niaŭstojku» za admovu ad sustrečy — 6000 rubloŭ.
Bajučysia za siabie i blizkich, minčuk pieravioŭ hrošy, ale pahrozy praciahnulisia. Tady jon źviarnuŭsia ŭ milicyju.