Stała viadoma, kolki zarablaje Ksienija Sankovič
«Biuro» nazvała zarobak namieśnikaŭ Viktara Łukašenki ŭ Nacyjanalnym alimpijskim kamitecie. A Sankovič atrymlivaje hrošy jašče i na ANT.
Ksienija Sankovič pracuje hienieralnym sakratarom NAK z 2024 hoda. U alimpijskim sportkamitecie eks-favarytka Alaksandra Łukašenki pracuje až z 2015 hoda.
Siaredniemiesiačny zarobak Sankovič u NAK u studzieni-vieraśni 2024 hoda składaŭ 8772 rubli čystymi. Aproč taho, jana pracavała na ANT viadoŭcaj. Za hety pieryjad jana mieła tam pa 965 rubloŭ čystymi.
Dźmitryj Daŭhalonak — vice-prezident NAK z studzienia 2025 hoda. Hetuju pasadu jon sumiaščaje z pazicyjaj načalnika adździeła pa raźvićci alimpijskaha ruchu NAK. Jaho siaredniemiesiačnaja zarpłata za studzień—vierasień 2024 hoda — 8687 rubloŭ čystymi.
Kiraŭnik NAK Viktar Łukašenka atrymlivaŭ pa 9267 rubloŭ čystymi.
Pavodle źviestak Biełstata, siaredni zarobak u Biełarusi ŭ 2024 hodzie składaŭ 2272 rubli. Vychodzić, što viarchuška NAK zarablaje amal u 4,5 raza bolš za siaredniestatystyčnaha biełarusa.