Aštrafavanaha za palityku abaviazali samastojna pradać aryštavanuju majomaść
Takim čynam — atrymaŭšy hrošy z prodažu noŭtbuka i smartfona — jon pavinny pahasić administracyjny štraf za letašniaje «niesankcyjanavanaje pikietavańnie».
Na svajoj staroncy ŭ Facebook aktyvist napisaŭ: «Prychodzili vykanaŭcy. Aryštavali noŭtbuk i smartfon. Pakinuli na samastojnuju realizacyju», piša «Viciebskaja viasna».
Pra nakładzieny na jaho štraf Andrej Buka daviedaŭsia 3 kastryčnika. Na toj dzień jon byŭ vyklikany ŭ sud, dzie jamu abviaścili rašeńnie zamianić štrafam u 20 bazavych vieličyń nieadsiedžanyja «sutki».
28 kastryčnika 2024 hoda Andreju pryznačyli 5 sutak aryštu za «niesankcyjanavanaje pikietavańnie», ale adbyvać ich aktyvista nie zabrali. Z taho času jaho sudzili jašče raz sioleta: 3 lutaha jaho pakarali štrafam pamieram 50 bazavych vieličyń — znoŭ za «niesankcyjanavanaje pikietavańnie».