Słužba biaśpieki Łukašenki nie puskała prostych mazyrčukoŭ na most cieraz Prypiać, pakul toj jaho adkryvaŭ
Usie padychody da mosta 6 listapada padčas vizitu Łukašenki byli ačeplenyja.
Zvyčajnyja ludzi nie mahli trapić na sam most, pakul jaho adkryvaŭ Łukašenka. Puskali tolki zaprošanych. Skrynšot: sacsietki
Słužba biaśpieki Łukašenki nie dapuściła prostych mazyrčukoŭ na adkryćcio mosta cieraz Prypiać, paviedamlaje «Fłahštok».
U TikTok haradžanie publikujuć videa sa skarhami na toje, što ŭsie padychody da mosta 6 listapada padčas vizitu Łukašenki byli ačeplenyja.
U vyniku niekalki socień mazyrčukoŭ nazirali za cyrymonijaj adkryćcia z nabiarežnaj z adlehłaści niekalkich socień mietraŭ.
Na samim mierapryjemstvie ŭ jakaści «prostych žycharoŭ» prysutničali zahadzia adabranyja i zaprošanyja pracaŭniki dziaržaŭnaj viertykali.
Łukašenka na adkryćci mosta. Fota: BiełTA
Adna z TikTok-błohierak u svaim žyvym efiry padbuchtorvała natoŭp kryčać «Bać-ka!» padčas adkryćcia mosta ŭ Mazyry.
Adnak jaje nichto nie padtrymaŭ.
Pad videa karystalniki taksama skieptyčna pastavilisia da paryvu mazyranki. Samym papularnym kamientarom staŭ nastupny: «Ahoŭ, čaho vy čužoha čałavieka nazyvajecie baćkam?»