Ejsmant pra pieramovy ź Litvoj: My hatovyja da ŭsiaho
Pres-sakratarka Łukašenki Natalla Ejsmant zajaviła ŭ kamientary rasijskamu ahienctvu «RIA-Novosti», što ŭ Minsku hatovyja vieści pieramovy ź luboj krainaj ab urehulavańni składanych situacyj.
Natalla Ejsmant. Fota: Maxim Shemetov / Pool Photo via AP
«My hatovy i adkrytyja ź luboj krainaj vieści pieramovy ab narmalizacyi adnosin i ŭrehulavańni ŭsich składanych situacyj. Sprava ŭ hetym vypadku ŭ našych susiedziach», — skazała Ejsmant.
Adnosna budučych pieramoŭ ź Litvoj jana adznačyła, što «i farmat, i ich źmiest vyznačajuć dva baki».
«Dumaju, vyznačacca. My hatovyja da ŭsiaho», — padkreśliła Natalla Ejsmant.
Miaža Biełarusi i Litvy zakrytaja z kanca kastryčnika da 30 listapada. Rašeńnie ab hetym było pryniata litoŭskim bokam paśla taho, jak mieteazondy kantrabandystaŭ šmatrazova parušali pavietranuju prastoru Litvy, što pryvodziła da paralizavańnia pracy Vilenskaha aeraporta.
Čytajcie taksama:
Łukašenka daručyŭ Ryžankovu pačać pieramovy ź litoŭcami
Kolki litoŭskich fur zabłakavana ŭ Biełarusi i jakaja cana pytańnia
U noč z paniadziełka na aŭtorak u Litvu zalacieli 8 mieteazondaŭ i adzin dron ź Biełarusi