Učora samalot Minsk — Baku viarnuŭsia ŭ aeraport amal adrazu paśla ŭźlotu
Učarašni rejs Minsk — Baku vylecieŭ, jak i płanavałasia, u 22:55. Adnak, pa słovach čytački Onliner.by, bort praz 25 chvilin palotu raźviarnuŭsia ŭ advarotnym napramku i pryziamliŭsia ŭ Nacyjanalnym aeraporcie Minsk.
Siońnia ranicaj dziaŭčyna napisała, što jany ŭžo ŭ Baku.
«Zamiest 03:45 prylacieli ŭ 07:30. Z samalota Embraer pasažyraŭ pierasadzili na Boeing. Čałaviek 5—6 vyrašyli nie lacieć, i im biez prablem viarnuli hrošy za bilety», — raspaviała jana.
Viadoma, što samalot ź Minska ŭ Baku vylecieŭ urešcie ŭ 02:20 13 listapada. Što stała pryčynaj viartańnia pieršapačatkovaha rejsu, pakul nieviadoma.