Polšča admianiła zabaronu na ŭjezd dla Alaksandra Mašenskaha. U jaho znajšłosia hramadzianstva Kipra
Heta akaličnaść robić niemahčymym u ramkach dziejnaha zakanadaŭstva realizacyju miery pa ŭklučeńni biznesmiena ŭ śpis niepažadanych asob.
Alaksandr Mašenski ŭ Varšavie. Kadry TVN24
Ministerstva ŭnutranych spraŭ i administracyi Polščy skarektavała sankcyi suprać biznesmiena Alaksandra Mašenskaha. Zhodna z rašeńniem ministerstva, jon byŭ vyklučany sa śpisu zamiežnikaŭ, znachodžańnie jakich na terytoryi krainy niepažadanaje. Astatnija sankcyjnyja abmiežavańni ŭ dačynieńni da biznesmiena nie źmianilisia, zaŭvažyŭ Reform.news.
U abhruntavańni rašeńnia havorycca, što MUSiA stała viadoma ab najaŭnaści ŭ Alaksandra Mašenskaha i jaho bližejšych svajakoŭ hramadzianstva Kipra. Heta akaličnaść robić niemahčymym u ramkach dziejučaha zakanadaŭstva realizacyju miery pa ŭklučeńni biznesmiena ŭ śpis niepažadanych asob.
Nahadajem, Polšča ŭviała nacyjanalnyja sankcyi suprać Alaksandra Mašenskaha ŭ lipieni hetaha hoda. Jany praduhledžvajuć zamarožvańnie ŭsich finansavych aktyvaŭ i ekanamičnych resursaŭ, zabaronu na pradastaŭleńnie jakich-niebudź srodkaŭ — naŭprost ci praz pasiarednikaŭ, zabaronu na ŭdzieł u dziaržzakupkach i konkursach u Polščy.