Elektronnyja balničnyja źjaviacca ŭ Biełarusi ŭ 2026 hodzie
U 2026 hodzie ŭ Biełarusi adbudziecca transfarmacyja balničnych, u vyniku čaho možna budzie pracavać z elektronnymi listkami niepracazdolnaści. Pra heta raspavioŭ pieršy namieśnik hienieralnaha dyrektara Ahienctva ličbavaj transfarmacyi Siarhiej Rudnieŭ, paviedamlaje BiełTA.
Pavodle jaho słoŭ, heta važna nie tolki dla pacyjenta, ale i dla najmalnika. Takoje novaŭviadzieńnie zabiaśpiečyć prazrystaść, svoječasovaść nadańnia infarmacyi, a taksama źnižeńnie nahruzki na hramadzian i biznes.
U elektronny farmat u 2026 hodzie piarojduć nie tolki balničnyja. Z 1 studzienia ŭ pramysłovuju ekspłuatacyju ŭviaduć centralizavanuju infarmacyjnuju sistemu achovy zdaroŭja.
Heta prahramnaje zabieśpiačeńnie pavinna abjadnać usie miedycynskija ŭstanovy — ad FAPaŭ da RNPC, što palehčyć abmien infarmacyjaj.