Paśla dvuch dzion spakoju na miežach Biełarusi znoŭ źjavilisia mihranty
Paśla dvuch dzion spakoju na miažy Biełarusi ź Jeŭrasajuzam znoŭ byli zafiksavanyja sproby niezakonnaha pierachodu. Pavodle apieratyŭnych danych pamiežnych słužbaŭ, jakija praanalizavała vydańnie «Pozirk», 20 listapada Polšča i Łatvija paviedamili pra adnaŭleńnie aktyŭnaści mihrantaŭ.
Zdymak ilustracyjny. Fota: Straż Graniczna
Łatvija zafiksavała 16 sprobaŭ niezakonnaha praniknieńnia. Polšča paviedamiła pra «bolš za dziesiać» vypadkaŭ, a dakładnyja ličby abiacajuć apublikavać 22 listapada.
Padlaskaje adździaleńnie polskaj pamiežnaj słužby asobna paviedamiła pra čatyry sproby, kali hrupy mihrantaŭ, zaŭvažyŭšy polskija patruli, viarnulisia «ŭhłyb Biełarusi».
Da hetaha Polšča nie fiksavała padobnych vypadkaŭ try dni (17—19 listapada), a Łatvija — dva (18 i 19 listapada).
Tolki na biełaruska-litoŭskim učastku miažy situacyja zastajecca spakojnaj: tam nie adznačajecca mihracyjnaj aktyŭnaści z 1 listapada.
Čytajcie taksama:
Druhi dzień zapar ź Biełarusi ŭ Jeŭrasajuz nie sprabuje prabicca nivodzin mihrant
Nul parušeńniaŭ: mihranty nie sprabavali nielehalna pierajści miežy Litvy, Łatvii i Polščy
Sproby nielehalnaha pierachodu miažy z Polščaj u apošnija dni amal spynilisia