Samuju vysokuju žyvuju jołku ŭ Biełarusi sioleta pastaviać u Viciebsku

Samaja vysokaja žyvaja jołka Biełarusi źjavicca ŭ Viciebsku. Vyšynia jaje razam z zorkaj pastaviła novy rekord — 34 mietry, što pieravyšaje 30‑mietrovuju hałoŭnuju jołku stalicy kala Pałaca Respubliki, paviedamili ŭ efiry STB.

Fota: STB

Całkam zaviaršyć padrychtoŭku i ŭvieści abjekt u ekspłuatacyju płanujuć da 1 śniežnia, choć aficyjnaje adkryćcio pryznačana tolki na 12 śniežnia.

«Sioje-toje zastaniecca ŭ sakrecie. My chočam ździvić viciebčukoŭ sioleta», — paviedamiŭ dyrektar pradpryjemstva «Harśviatło» Viciebska Vasil Biełavusaŭ.

Na realizacyju takoha prajekta patrebnyja byli i adpaviednyja inviestycyi. Na drevy pajšło bolš za 5 tysiač rubloŭ.

«Adrazu skažu, što lasny fond nie ciarpić, jon abnaŭlajecca štohod. Sioleta pastavili 163 žyvyja jełki pamieram ad 1 da 9 m», — zajaviła dyrektarka pradpryjemstva «Viciebski zielanbud» Valancina Šandziukova.

Raniej stała viadoma, što ŭ Minsku sioleta pastaviać 28 jołak u roznych častkach horada.

Kamientary da artykuła