U Homieli chłopiec pry zatrymańni ŭkusiŭ supracoŭnika DAI

Letam u Homieli adzin ź minakoŭ zaŭvažyŭ maładoha chłopca, jaki, chistajučysia, išoŭ pa prajeznaj častcy i kidaŭsia pad aŭtamabili na skryžavańni vulic Frunzie i Internacyjanalnaj. Kab praduchilić avaryju, śviedka patelefanavaŭ u milicyju. Kali prybyli supracoŭniki DAI, chłopiec pavioŭ siabie ahresiŭna, piša vydańnie «Biełka».

Fota ilustracyjnaje

Chłopiec niekalki razoŭ udaryŭ pa łabavym škle słužbovaj mašyny, sprabavaŭšy jaho raźbić, a potym udaryŭ supracoŭnika pa ruce i parvaŭ na im formiennuju majku razam z macavańniem nahrudnaha videarehistratara. Adzin ź inśpiektaraŭ navat pryvioŭ tabielnuju zbroju ŭ bajavuju hatoŭnaść, ale heta nie spyniła parušalnika: jon zalez u słužbovy aŭtamabil na miesca kiroŭcy. Pry sprobie nadzieć na jaho kajdanki chłopiec ukusiŭ inśpiektara za palec.

Paśla vyvučeńnia videazapisaŭ i śviedčańniaŭ sud pryznaŭ 21‑hadovaha hamielčuka vinavatym u prymianieńni hvałtu i pahrozach u dačynieńni da supracoŭnikaŭ unutranych spraŭ. Adnak ža ŭličyli toje, što jon maje pastajannuju pracu, stanoŭčuju charaktarystyku i raniej nie pryciahvaŭsia ni da kryminalnaj, ni da administracyjnaj adkaznaści.

Sud vyrašyŭ, što izalacyja ad hramadstva ŭ hetym vypadku nie patrebnaja i pryznačyŭ parušalniku try hady «chatniaj chimii».

Kamientary da artykuła