Bajcy HUR i USU pabilisia kala sanatoryja za prava na hetu terytoryju, 10 čałaviek uziali ŭ zakładniki
Uviečary 3 śniežnia bajcy HUR zajšli na terytoryju sanatoryja, «vybiŭšy varoty i pałamaŭšy płot, ažyćciaŭlajučy stralbu sa strałkovaj zbroi ŭ pavietra i ziamlu».
Pavodle krynic «UP», kala 70 čałaviek HUR MA ŭ maskach u poŭnym bajavym ryštunku na vajennych mašynach vybili varoty, paškodzili płot i pranikli na terytoryju sanatoryja, ažyćciaŭlajučy stralbu z ahniastrelnaj zbroi ŭ pavietra i ziamlu.
Byli zachopleny ŭ zakładniki i zatrymany kala 10 vajskoŭcaŭ USU. Cialesnyja paškodžańni roznaj stupieni atrymaŭ 21 čałaviek.
Pryčyna kanfliktu — terytoryja sanatoryja. U raźviedcy zajaŭlajuć, što vajskoŭcy USU zaniali sanatoryj niezakonna, ale pravy na jaho arendu majuć abodva baki kanfliktu.
Pavodle najaŭnych dadzienych, uładalnik sprečnaha ziamielnaha ŭčastka, ź jakim HUR zaklučyła pahadnieńnie, — kampanija z arbity biznesmienaŭ Barysa Kaŭfmana i Alaksandra Hranoŭskaha. Pradprymalniki chočuć zabudavać terytoryju sanatoryja.
Bajcy HUR pałonnych adpuścili i zabarykadavalisia na terytoryi.
Jany admovilisia ŭpuskać na terytoryju pradstaŭnikoŭ pravaachoŭnych i vajennych dziaržaŭnych orhanaŭ. Pa słovach surazmoŭcy «UP», na miesca zdareńnia prybyŭ namieśnik hałoŭnakamandujučaha USU Alaksandra Syrskaha.