U Breście kiroŭca maršrutki hulaŭ u anłajn-kazino padčas pajezdki

Žychar Bresta vykłaŭ u sacsietki dziŭnaje videa: kiroŭca maršrutki, jakaja ruchajecca, hladzić bolš na ekran smartfona, čym na darohu. «Voś što ź im rabić?» — pytajecca razhubleny pasažyr. Ale šmat chto z kamientataraŭ baronić łudamana.

Skrynšot videa ŭ instahramie

Videa z Bresta vykłaŭ u instahram biełarus, padpisany jak «Bacia ŭ temie». Jon źviarnuŭ uvahu na toje, što kiroŭca maršrutki padčas pajezdki adnoj rukoj trymaje rul, a druhoj hulaje ŭ aŭtamaty ŭ anłajn-kazino na svaim smartfonie.

Nichto z pasažyraŭ nie zrabiŭ takomu niebiaśpiečnamu kiroŭcu zaŭvahu — jany na zadnim fonie spakojna abmiarkoŭvajuć niejkija svaje pytańni. A sam mužčyna niejak razhublena pytajecca: «Voś i što ź im rabić?»

@ep.service_bel Žiesť połnaja!#briest #riekomiendacii #top ♬ orihinalnyj zvuk - BATIA V TIEMIE

U rolika ŭžo bolš za paŭmiljona prahladaŭ u instahramie. Šmat chto pastaviŭsia da surjoznaj situacyi z humaram: «Čałavieka na dźviuch pracach pracuje, nie pieraškadžajcie!», «Pryhažun! Jašče i kavu možna pić», «Nu dyk u praviłach darožnaha ruchu napisana, što razmaŭlać pa telefonie nielha. Tut usio narmalna, nie razmaŭlaje». Zaklikajuć «zrazumieć i daravać».

Chapała i tych, chto pačaŭ krytykavać aŭtara videa i baranić kiroŭcu: «Heta dadatkovy zarobak. A ty žeść».

Na fonie ŭsiaho hetaha niejak navat hublajucca aburanyja kamientary. Niechta ŭspomniŭ, što maršrutki ŭ Biełarusi pieryjadyčna traplajuć u avaryi i časam davoli žorstkija: «Treba było chacia b zaŭvahu zrabić! Nie maŭčać! I chutčej vychodzić z hetaj maršrutki!» I adzinkavyja kamientatary raili paviedamić pra zdareńnie ŭ DAI.

Skrynšot videa ŭ tyktoku

U inšym videa (užo ŭ tyktoku) brestaŭčanin prosić parady, što jak jamu ŭsio ž rabić.

— Z adnaho boku, imavierna, ja žyćcio čałavieku złamaju. A ź inšaha, jon moh zahubić jašče jak minimum šeść čałaviek, zdajecca, stolki siadzieła tady ŭ maršrutcy. I jaho škada, bo chvory ž čałaviek, heta prablema vialikaja.

Zakančvaje mužčyna na adnosna aptymistyčnaj nocie:

— Bieražy Boža hetaha chłopca, kab nie raźbiŭsia dzie-niebudź, kab admoviŭsia ŭžo ad hetych žudasnych hulniaŭ.

Kamientary da artykuła