Dvoje žycharoŭ Homiela 18 hadzin katavali znajomaha haračym prasam
U krasaviku dvoje maładzionaŭ u stanie ałkaholnaha apjanieńnia pryjšli dadomu da svajho znajomaha i zapatrabavali hrošy.
Kali toj admoviŭ, vykarystali hvałt: bili haspadara rukami i nahami, nanosili ŭdary ŭ hałavu i hrudzi. Potym pa čarzie prykładvali haračy pras da tvaru i adkrytych učastkaŭ cieła.
Katavańni praciahvalisia amal 18 hadzin. U vyniku jany zabrali kala 600 rubloŭ.
Ekśpiertyza ŭstanaviła, što termičnyja apioki pryčynili ciažkija cialesnyja paškodžańni ź niepapraŭnym źniaviečvańniem tvaru i šyi.
Paśla vyvučeńnia materyjałaŭ prakuror Homiela pryznaŭ abvinavačańnie abhruntavanym i pahadziŭsia z kvalifikacyjaj pavodle č. 3 art. 207 KK (razboj, učynieny z pryčynieńniem ciažkich cialesnych paškodžańniaŭ), što karajecca źniavoleńniem ad 8 da 15 hadoŭ.