U Vialikabrytanii praz try hady zapuściać pieršuju sietku aerataksi
U Vialikabrytanii płanujuć zapuścić pieršuju sietku elektryčnych aerataksi ŭ 2029 hodzie. Pra heta paviedamiła kampanija Vertical Aerospace.
Fota ilustracyjnaje
Novaja sistema pavietranych haradskich pieravozak złučyć rajon Kanery-Uorf z hałoŭnymi transpartnymi vuzłami krainy — u tym liku z aeraportami Chitrou i Hatvik, a taksama z Kiembrydžam i Oksfardam.
Kampanija pradstaviła prajekt sietki i pakazała novuju madel pavietranaha aparata Vertical-Valo. Latalny aparat zmoža pieraadolvać bolš za 160 km pry chutkaści prykładna 240 km/h. Miarkujecca, što takija maršruty istotna skarociać čas pajezdak, jakija na ziamli mohuć zajmać da paŭtary hadziny: naprykład, pieralot pamiž Kanery-Uorf i Chitrou zojmie kala 12 chvilin.
Pieršy etap zapusku sietki płanujuć zrabić u pieršym kvartale 2029 hoda. Asnoŭnaja ŭvaha budzie nakiravanaja na najbolš zahružanyja transpartnyja napramki, dzie aerataksi zmohuć stać alternatyvaj pajezdkam pa pierapoŭnienych aŭtamahistralach.
Raniej, 18 listapada, stała taksama viadoma, što amierykanskaja kampanija Joby Aviation źbirajecca zapuścić padobny servis u Dubai ŭžo ŭ 2026 hodzie. Tam elektryčnyja pavietranyja taksi na batarejach buduć razhaniacca da 320 km/h i mieć šeść prapieleraŭ, dziakujučy čamu pajezdka z aeraporta Al-Maktum da centra horada skarocicca z 45 da 10 chvilin.
Čytajcie taksama:
Geely pačynaje vytvorčaść pratatypaŭ aerataksi