Pačobut uvieś čas u pamiaškańni kamiernaha typu. Statkieviča sapraŭdy viarnuli za kraty
Pra ŭmovy ŭtrymańnia palitviaźnia Andžeja Pačobuta ŭ kałonii №1 u Navapołacku raskazaŭ na pres-kanfierencyi vyzvaleny pravaabaronca Uładź Łabkovič.
Andžej Pačobut padčas suda. Fota: sb.by
«Jon znachodzicca ŭvieś čas u PKT — heta taki turemny režym unutry kałonii. Jon bolš składany, čym zvyčajny turemny režym u turmach, u jakich stacyjanarna ŭvieś čas znachodzišsia. U mianie jość i toje, i druhoje, mahu paraŭnać.
U jaho dobraje zdaroŭje było, prynamsi, na vierasień. Apošniaje, što ja viedaju, jon u paradku, vielmi pazityŭny».
Taksama Łabkovič paćvierdziŭ, što Mikołu Statkieviča viarnuli za kraty paśla taho, jak jon admoviŭsia być departavanym ź Biełarusi razam ź inšymi vyzvalenymi palitviaźniami ŭ vieraśni.