Rasija nie źbirajecca spyniacca. Ministerstva abarony RF nazvała zadačy «SVA» na 2026 hod
Hałoŭnaj zadačaj dla rasijskaj armii na nastupny hod stanie «zachavańnie i naroščvańnie tempu nastupleńnia ŭ zonie śpiecyjalnaj vajennaj apieracyi», zajaviŭ ministr abarony RF Andrej Biełavusaŭ.
Razburanyja damy ŭ vyniku rasijskaj ataki ŭ Kijevie, 28 vieraśnia 2025 hoda. Fota: AP Photo / Efrem Lukatsky
«Klučavaja zadača na nastupny hod — zachavać i naraścić nabranyja tempy nastupleńnia», — skazaŭ Biełavusaŭ na pašyranym pasiadžeńni kalehii viedamstva 17 śniežnia.
Uładzimir Pucin u na hetym ža pasiadžeńni zajaviŭ, što kali Ukraina admovicca ad razmovy «pa sutnaści», Rasija siłaj damožacca vyzvaleńnia «svaich histaryčnych ziamiel».
«Zadača stvareńnia i pašyreńnia bufiernaj zony biaśpieki taksama budzie paśladoŭna vyrašacca», — skazaŭ jon.
«Mety «SVA», biezumoŭna, buduć dasiahnutyja, a Rasija damožacca vyzvaleńnia svaich histaryčnych terytoryj», — śćviardžaje jon.