Školnica ŭ Puchavičach sfatahrafavała kartku babuli i pierastała sabie ŭ čymści admaŭlać
U Puchavičach 15‑hadovaja školnica znajšła sposab apłačvać svaje pakupki, nie patraciŭšy pry hetym ni kapiejki z ułasnych hrošaj, paviedamiŭ telehram-kanał «Obratnaja storona».
Usia sprava ŭ tym, što dziaŭčyna, sfatahrafavaŭšy bankaŭskuju kartu svajoj 65‑hadovaj babuli, pačała tracić jaje źbieražeńni.
— Dziaŭčyna kuplała ŭsio, što chacieła: pradukty charčavańnia, upryhožvańni, cacki, apłačvała Premium-padpiski ŭ miesiendžary, a bolšuju častku spuściła na Wildberries, — tłumačyć resurs.
Za niekalki miesiacaŭ školnica zdoleła źlić bolš za 13 tysiač rubloŭ z karty piensijanierki.
Vynikam takoha «šopinhu» stała kryminalnaja sprava za kradziež majomaści šlacham madyfikacyi kampjutarnaj infarmacyi.