Nazvanyja pieramožcy Belarus Press Photo

+ fatazdymki-pieramožcy

U lik łaŭreataŭ konkursu trapiła i fotakarespandent «NN» Julija Daraškievič.

12-ha traŭnia ŭ miežach minskaha fotasałona na Fotaforumie-2010 adbyłasia cyrymonija ŭznaharodžvańnia łaŭreataŭ pieršaha biełaruskaha konkursu pres-fatahrafii.

Udzieł u konkursie «Pres-fota Biełarusi 2010» pryniali 96 biełaruskich fatohrafaŭ, jakija pracujuć na pastajannaj asnovie ŭ nacyjanalnych i zamiežnych ŚMI. Na konkurs było dasłana bolš za 1200 prac — adzinočnych zdymkaŭ i sieryj, jakija padzialilisia pa rubrykach «Naviny», «Ludzi ŭ navinach», «Paŭsiadzionnaje žyćcio», «Sport», «Partret», «Mastactva i zabavy», «Pryroda», «Hłamur, rekłama».

Arhanizatarami konkursu vystupili prafiesijnyja fotareparciory. U žury ŭvajšli aŭtarytetnyja fatohrafy i fotaredaktary z roznych krain, u tym liku štatnyja supracoŭniki viadučych suśvietnych ahienctvaŭ — Associated Press, Agence France-Presse.

U konkursie pryniali ŭdzieł fatohrafy jak dziaržaŭnych, tak i niedziaržaŭnych ŚMI.

Siarod pieramožcaŭ čatyry pradstaŭnika rehijonaŭ (Ziańko Vasil, Stoŭbcy; Sajenka Alaksandr, Hrodna; Citoŭ Mikałaj, Mahiloŭ; Rubčenia Aleh, Słuck). Bolšaść łaŭreataŭ konkursu žyvie i pracuje ŭ Minsku. Siaredni ŭzrost udzielnikaŭ - 38 hadoŭ. U śpisie łaŭreataŭ dźvie dziaŭčyny.

Pieramožcami u nastupnych naminacyjach stali:

«Naviny»: Vasil Fiadosienka, Viktar Dračoŭ, Dźmitryj Bruško.

«Ludzi ŭ navinach»: Andrej Lankievič, Julija Daraškievič, Natalla Abłažej.

«Sport»: Viktar Dračoŭ, Vasil Fiadosienka, Julija Daraškievič.

«Paŭsiadzionnaje žyćcio»: Viktar Dračoŭ, Vasil Ziańko, Natalla Abłažej.

«Partret»: Viktar Dračoŭ, Vasil Fiadosienka, Viktar Dračoŭ.

«Mastactva i zabavy»: Viktar Dračoŭ, Natalla Abłažej, Alaksandr Sajenka.

«Pryroda»: Alaksandr Sajenka, Mikałaj Citoŭ, Aleh Rubčenia.

«Hłamur, rekłama»: Viktar Dračoŭ, Alaksandr Kanatop, Siarhiej Hryc.

Hran-pry «Pres-fota Biełarusi 2010» atrymaŭ Viktar Dračoŭ.

Viktar Dračoŭ naradziŭsia ŭ 1957 hodzie. Skončyŭ fakultet žurnalistyki BDU. Pracavaŭ u ahienctvie druku «Naviny» (APN), u «Kamsamolskaj praŭdzie». Zaraz zdymaje dla ahiestva Frans Pres (Agence France-Presse). Letam 2009 hoda ŭ ramkach Mižnarodnaha fiestyvalu fotažurnalistyki VISA POUR L'IMAGE (Pierpińjan, Francyja) adbyłasia piersanalnaja vystava Viktara Dračova.

Pabačyć vystavu z pracami pieramožcaŭ možna na Fotaforumie-2010 (Ja.Kupały, 27)

V.Fiadosienka, akcyja pratestu ŭ Minsku ŭ 2006 h. (1-aje miesca ŭ naminacyi «Naviny»).

V.Dračoŭ, partret U.Piatrova, jaki prachodzić lačeńnie ŭ Homielskim instytucie radyjacyjnaj miedycyny (1-aje miesca ŭ naminacyi «Partret»).

A.Sajenka, karpy ŭ rybackich sietkach (1-aje miesca ŭ naminacyi «Pryroda»).

A.Lankievič, žančyna sa ściaham na Kastryčnickaj płoščy ŭ Minsku (1-aje miesca ŭ naminacyi «Ludzi ŭ navinach»).

V.Dračoŭ, ekstremalny sport (1-aje miesca ŭ nimanacyi «Sport»).

V.Dračoŭ, sabaka špacyruje pa płoščy (1-aje miesca ŭ naminacyi «Hłamur, rekłama»).

V.Dračoŭ, Kalady (1-aje miesca ŭ naminacyi «Mastactva i zabavy»).

V.Dračoŭ, chłopčyk čakaje, pakul babula pakormić žyvioł (1-aje miesca ŭ naminacyi «Paŭsiadzionnaje žyćcio»).

Ju. Daraškievič, spabornictvy pa balnych tancach siarod invalidaŭ-vazočnikaŭ (3-aje miesca ŭ naminacyi «Sport»).

Ju. Daraškievič, śpiecnazaŭcy adbirajuć u maładziona ściah na Kastryčnickaj płoščy Minska (2-oje miesca ŭ naminacyi «Ludzi ŭ navinach»).

Kamientary da artykuła