Łukašenka vypadkova spaliŭ svaju šparhałku z razvahami pra hrošy «Bajsoła»

Padčas vystupleńnia pierad delehatami UNS Alaksandr Łukašenka vypadkova pakazaŭ adnu sa svaich šparhałak. Pakolki bačyć jon užo vielmi słaba, choć i nie choča hetaha pryznavać, jamu ich pišuć hihanckimi litarami, tamu toje, što trapiła ŭ kadr videakamiery, možna biez anijakich ciažkaściaŭ pračytać.

Skrynšot ź videa

Incydent adbyŭsia padčas adkazu na pytańnie prapahandysta Vadzima Hihina pra biełaruska-amierykanskija pieramovy. Łukašenka, nibyta impravizujučy, zachapiŭsia i pačaŭ krytyčna vykazvacca pra demakratyčny ruch i jaho lidaraŭ, a ŭ peŭny momant schapiŭsia za papierku, jakaja lažała pierad im, i pakazaŭ napisany na joj tekst na kamieru.

Na toj papiercy byli vykładzienyja tezisy pad nazvami «Dieńhi» i «Dieńhi‑2». Tezisy «Dieńhi‑2» davali Łukašenku padrychtavany materyjał dla razvažańniaŭ pra toje, što srodki, sabranyja biełarusami na płatformie «Bajsoł» dla palitviaźniaŭ za niekalki hadzin, užo nibyta kimści skradzienyja. Ale paśla jon, zachapiŭšysia inšymi siužetami, na hety tak i nie vyjšaŭ. 

Kamientary da artykuła