Zialenski: Ukraina viedaje, dzie ŭ Biełarusi budzie raźmieščany «Arešnik», i pieradaje danyja partnioram
Prezident Ukrainy prakamientavaŭ imaviernaje raźmiaščeńnie zbroi «Arešnik» u Biełarusi.
Fota: Omar Zaghloul / Anadolu via Getty Images
«Zaviaršajecca pieramiaščeńnie «Arešnika» na terytoryju Biełarusi. My razumiejem, dzie heta budzie. Dzie budzie raźmiaščeńnie. My pieradajom infarmacyju našym partnioram. Dumaju, partniory sami mohuć acanić hetuju pahrozu i zrazumieć, jak reahavać», — paviedamiŭ prezident Ukrainy.
Učora pra raźmiaščeńnie «Arešnika» ŭ Biełarusi zajaviŭ na UNS Alaksandr Łukašenka.
«Pieršyja pazicyi abstalavanyja rakietnym kompleksam «Arešnik»: jon u nas ź sierady i zastupaje na bajavoje dziažurstva», — zajaviŭ jon.
Siońnia Łukašenka abvierhnuŭ nibyta infarmacyju pra raźmiaščeńnie «Arešnika» ŭ Słuckim rajonie.
«Heta poŭnaja chłuśnia. Ni ŭ jakim Słucku my «Arešnik» nie raźmiaščali. Raźmiaścili tam, dzie bolš vyhadna, ale ja pra heta havaryć nie budu. Choć z časam heta i nie budzie tajamnicaj. Taki pazicyjny rajon stvaryć za karotki pramiežak času (ci za praciahły)… Jon tajamnicaj nie budzie», — skazaŭ Łukašenka.