ZŠA zachapili treci tankier kala bierahoŭ Vieniesueły
Tankier Bella 1 išoŭ pad panamskim ściaham.
Zachop papiaredniaha tankiera Centuries 20 śniežnia. Skrynšot videa
ZŠA zachapili jašče adzin naftavy tankier kala bierahoŭ Vieniesueły, paviedamlaje Bloomberg sa spasyłkaj na ludziej, znajomych ź situacyjaj. Heta adbyłosia na fonie taho, što Donald Tramp uzmacniaje naftavuju błakadu ŭrada Nikałasa Madura.
Tankier Bella 1, jaki znachodzicca pad sankcyjami ZŠA, pad panamskim ściaham nakiroŭvaŭsia ŭ Vieniesuełu pad zahruzku.
Anałahičnyja zachopy adbylisia 10 śniežnia (sudna Skipper) i 20 śniežnia (supiertankier Centuries).
Tramp uzmacniaje cisk na Madura, sprabujučy pierakryć asnoŭnuju krynicu dachodaŭ režymu. Na dumku ekśpiertaŭ, kali Vieniesueła nie zmoža ekspartavać svaju naftu, jaje schoviščy buduć pierapoŭnienyja i dziaržaŭnaj kampanii pryjdziecca pačać zakryćcio naftavych śvidravin.
Tramp taksama pryznaŭ urad Madura zamiežnaj terarystyčnaj arhanizacyjaj, abvinavaciŭšy jaho ŭ datyčnaści da handlu narkotykami.
Admietna, što tankier Centuries, zachopleny 20 śniežnia, nie značyŭsia ŭ publičnym sankcyjnym śpisie ZŠA. Tankier išoŭ pad panamskim ściaham, u toj čas jak prava ŭłasnaści na naftu naležyć kitajskaj kampanii.
Vice-prezident i ministr nafty Vieniesueły Delsi Radryhies asudziła zachop tankiera, nazvaŭšy hety krok «surjoznym aktam piractva» z boku ŭrada ZŠA.
16 śniežnia Tramp abviaściŭ pra «poŭnuju błakadu» ŭsich padsankcyjnych sudnaŭ i pryznaŭ urad Madury «zamiežnaj terarystyčnaj arhanizacyjaj».
Čytajcie taksama:
ZŠA zachapili druhi naftavy tankier kala bierahoŭ Vieniesueły