Raptoŭna pamior papularny błohier Mikita Miełkazioraŭ
Aŭtaru papularnaha jutub-kanała «Žyćcio-malina» było 37 hadoŭ.
Pra śmierć błohiera Mikity Miełkaziorava paviedamiŭ jaho siabar i błohier Alaksandr Ivulin.
«Siońnia nočču nie stała majho siabra Mikity Miełkaziorava.
Heta nie rozyhryš i nie durny prykoł. Heta realnaść. I heta p**dziec», — napisaŭ Ivulin u sacsietkach.
Dla blizkich Mikity adkryli zbor.
Što zdaryłasia ź Mikitam Miełkazioravym, jaki raptoŭna pamior siońnia nočču?
Mikita viadomy jak viadučy jutub-kanała «Žyćcio-malina», dzie vychodzili intervju ź biełaruskimi palitykami i sielebryci. Na kanale 97 tysiač padpisčykaŭ. Mikita taksama vioŭ histaryčny padkast «Zahlanie sonca», padkast z Sašam Ivulinym «Niešta budzie», dzie jany abmiarkoŭvali žyćciovyja rečy.
Raniej jon pracavaŭ žurnalistam na «Anłajniery» i «Trybunie».
Mikita byŭ žanaty z madellu Linaj Capavaj.
Redakcyja «Našaj Nivy» vykazvaje spačuvańni blizkim Mikity.