Apošni dopis Mikity Miełkaziorava
Papularny jutub-błohier Mikita Miełkazioraŭ pamior u noč na 21 śniežnia.
Niezadoŭha da hetaha błohier apublikavaŭ u storys instahrama fota z žonkaj Linaj Capavaj — ščaślivaja para razam z sabakam Fudžy adpačyvała na kanapie.
Para ažaniłasia ŭ studzieni. Heta była anłajn-cyrymonija — Mikitu i Linu raśpisali ŭ ZŠA ŭ štacie Juta.
Mikita viadomy jak viadučy jutub-kanała «Žyćcio-malina», dzie vychodzili intervju ź biełaruskimi palitykami i sielebryci. Na kanale 97 tysiač padpisčykaŭ. Mikita taksama vioŭ histaryčny padkast «Zahlanie sonca», padkast z Sašam Ivulinym «Niešta budzie», dzie jany abmiarkoŭvali žyćciovyja rečy.
Raniej jon pracavaŭ žurnalistam na «Anłajniery» i «Trybunie».
U noč na 21 śniežnia jaho raptoŭna nie stała. Napiaredadni ŭviečary Mikita kiepska siabie adčuŭ. Jak piša Reform.news, błohier adlažaŭsia, adčuŭ siabie lepš praź niekatory čas. Zatym ustaŭ, pajšoŭ i straciŭ prytomnaść. Admoviła serca. Pryčyna śmierci budzie viadomaja paśla anatamiravańnia. Błohieru było ŭsiaho 37 hadoŭ.
Dla blizkich Mikity adkryli zbor.
Čytajcie taksama:
Cichanoŭskaja vykazała spačuvańni z nahody śmierci Miełkaziorava