Babaryka i Kaleśnikava admianili pres-kanfierencyju ŭ Bierlinie
Byłyja palitviaźni Viktar Babaryka i Maryja Kaleśnikava płanavali dać pres-kanfierencyju ŭ Bierlinie ŭ aŭtorak, 23 śniežnia, adnak mierapryjemstva skasavanaje, paviedamlaje pres-słužba kamandy Viktara Babaryki.
Fota: MZS Hiermanii
«Maryi i Viktaru nieabchodny čas na adnaŭleńnie i kamunikacyju ź blizkimi. Maryja Kaleśnikava i Viktar Babaryka prosiać pastavicca da hetaha z razumieńniem i dać im trochi času», — havorycca ŭ paviedamleńni.
Viktara Babaryku i Maryju Kaleśnikavu vyzvalili 13 śniežnia siarod 123 palitviaźniaŭ, ich vyvieźli va Ukrainu, a ŭ niadzielu jany dali ŭ Čarnihavie pres-kanfierencyju.
U piatnicu Viktar Babaryka i Maryja Kaleśnikava prybyli ŭ Bierlin. Ich sustrakaŭ ministr zamiežnych spraŭ Niamieččyny Jochan Vadeful. Fatahrafijami sustrečy padzialiłasia pres-słužba MZS Hiermanii.