U Turcyi raźbiŭsia samalot z načalnikam Hienštaba Livii na borcie
U niebie nad Turcyjaj źnik z radaraŭ pryvatny samalot Falcon 50, na borcie jakoha znachodziŭsia načalnik Hienieralnaha štaba livijskaj armii. Pra heta paviedamili tureckija ŚMI.
Samalot vylecieŭ z aeraporta Ankary, paśla čaho jaho pierastali fiksavać radyjołakacyjnyja sistemy. U suviazi ź incydentam tureckija ŭłady časova zakryli pavietranuju prastoru nad stalicaj.
Pa źviestkach vydańnia Gündem 7x24, pošukava-vyratavalnyja słužby znajšli abłomki hetaha samalota. Paviedamlajecca, što reštki pavietranaha sudna byli znojdzienyja na terytoryi pravincyi Ankara.
Miascovyja žychary paviedamlajuć, što nieŭzabavie paśla ŭźlotu čuli ŭ niebie huk, padobny da vybuchu.
U sacsietkach źjaviłasia i videa mierkavanaha krušeńnia samalota.
Ministr unutranych spraŭ Turcyi paviedamiŭ, što ŭ samalocie było piać čałaviek, u tym liku kiraŭnik Hienštaba Livii hienierał Machamied Ali al-Chadad. Raniej u toj ža dzień jon sustrakaŭsia ź ministram abarony Turcyi.
Kiraŭnik urada nacyjanalnaha adzinstva Livii Abdel Chamid Dbiejba paźniej paćvierdziŭ, što načalnik Hienštaba Livii hienierał Muchamied Ali Achmied Al-Chadad i asoby, jakija jaho supravadžali, zahinuli ŭ vyniku krušeńnia samalota kala Ankary. Jaho słovy pieradało ahienctva Libyan News Agency.
Čytajcie taksama:
Livijskija siłaviki vučacca ŭ Biełarusi razhaniać pratesty
U Minsku adkryłasia handlovaje pradstaŭnictva Livii
U Jeŭropie vyklikali zaniepakojenaść avijarejsy ź Biełarusi ŭ Liviju