U Viciebsku źbirajucca rabić technapark na terytoryi zavoda «Viciaź»
Častku terytoryi viciebskaha zavoda televizaraŭ «Viciaź» płanujuć vykarystać dla budaŭnictva haradskoha technaparka. Pra heta 24 śniežnia padčas naviedvańnia Viciebskaj vobłaści paviedamiŭ staršynia praŭleńnia Nacyjanalnaha banka Raman Hałoŭčanka.
Zavod «Viciaź». Fota: BiełTA
Pavodle słoŭ Ramana Hałoŭčanki, u Biełarusi varta pašyrać dośvied technaparka, stvoranaha na bazie Minskaha matacykletna-rovarnaha zavoda, i Viciebsk nie pavinien zastavacca ŭbaku ad hetych pracesaŭ. Pakul pytańnie znachodzicca na pačatkovym etapie razhladu, ale, jak adznačyŭ čynoŭnik, praca budzie vieścisia davoli chutka.
Ciapier, pa słovach Hałoŭčanki, abłvykankam źviarnuŭ uvahu kiraŭnictva «Viciazia» na najaŭnaść lišnich płoščaŭ, jakija nie vykarystoŭvajucca. Ich prapanujuć albo pieraprafilavać, albo źnieści.
Taksama płanujecca takaja schiema, pry jakoj banki buduć niepasredna ŭklučanyja ŭ prajekt i častkova stanuć udzielnikami technaparka. Havorka idzie nie tolki pra finansavańnie stvareńnia infrastruktury, ale i pra padtrymku startapaŭ, jakija buduć raźvivacca na hetaj placoŭcy.
Aceńvajučy ekanamičnuju situacyju ŭ rehijonie ŭ cełym, kiraŭnik Nacbanka adznačyŭ, što Viciebskaja vobłaść pracuje ŭ składanych umovach, adnak maje istotny patencyjał dla rostu. Asobnuju ŭvahu, pavodle jaho, nieabchodna nadać pradpryjemstvam z chraničnymi finansavymi prablemami, pa jakich treba prymać nialohkija, ale nieabchodnyja rašeńni.