Šmatdzietnaj administratarcy Vikipiedyi Volzie Sitnik dali chatniuju chimiju i vyzvalili ź SIZA
42‑hadovuju redaktarku aryštavali ŭ mai 2025 hoda.
Volha Sitnik. Fota: Wikimedia Commons
Volha Sitnik, adna z administratarak biełaruskaj Vikipiedyi, była asudžanaja ŭ siaredzinie śniežnia 2025 hoda pa palityčnym kryminalnym artykule. Volzie prysudzili chatniuju chimiju i vyzvalili ź SIZA.
Volha Sitnik naradziłasia ŭ 1983 hodzie ŭ Słucku. Skončyła fakultet infarmacyjnych technałohij i robatatechniki BNTU pa śpiecyjalnaści «robatatechnika». Žyvie ŭ Minsku, razam z mužam haduje troch niepaŭnaletnich dziaciej. U Vikipiedyi jana z 2009 hoda piša pra biełaruskuju tradycyjnuju kulturu i pryrodu, a taksama na takija temy, jak hrudnoje vykormlivańnie. Bolš za dva dziasiatki artykułaŭ Sitnik byli ŭhanaravanyja statusam «dobrych» ci «vydatnych». Z 2010 hoda bieśpierapynna źjaŭlajecca administratarkaj biełaruskaj Vikipiedyi.
Volhu Sitnik zatrymali pa kryminalnaj spravie ŭ mai 2025 hoda. Tady pačałasia abłava na redaktaraŭ biełaruskaj Vikipiedyi.
Volha Sitnik. Fota ź jaje staronki «Ukantakcie»