Ivan Urhant zapuściŭ ułasny jutub-kanał
Papularny rasijski šoŭmien Ivan Urhant, čyjo šou «Viečiernij Urhant» było zakryta paśla pačatku vajny, viarnuŭsia z novym prajektam na jutubie. Kanał atrymaŭ nazvu «Žyvy Urhant».
Ab zapusku kanała artyst paviedamiŭ 25 śniežnia, apublikavaŭšy pieršaje videa. U im jon patłumačyŭ, što asnoŭnym kantentam stanuć materyjały, źniatyja padčas jaho padarožžaŭ u 2025 hodzie.
«Budziem vykładvać usio, što vykładvajecca», — pažartavaŭ viadučy.
Apošni vypusk šou «Viačerni Urhant» vyjšaŭ u efir «Pieršaha kanała» ŭ lutym 2022 hoda.
The New York Times pisaŭ, što niekalki «ŭpłyvovych rasijan» źviarnulisia da Uładzimira Pucina z prośbaj «reabilitavać Urhanta», čyjo šou pierastała vychodzić paśla pačatku vajny z Ukrainaj. Adnak, pavodle źviestak žurnalistaŭ, Pucin admoviŭsia.
Paśla pačatku vajny Ivan Urhant apublikavaŭ u instahramie čorny kvadrat sa słovami «Strach i bol. NIE VAJNIE». Paśla hetaha jaho televizijnaje šou «Viačerni Urhant» źnikła z efiru Pieršaha kanała. Pra zakryćcio šou aficyjna nie abviaščałasia.
Urhant praciahvaje žyć u Rasii. Jon pracuje na dniach naradžeńnia i viasiellach. Taksama vystupaje za miažoj.