Na pieramovy ź Zialenskim Tramp uziaŭ nie tolki Uitkafa i Kušniera

Pieramovy pamiž prezidentam ZŠA Donaldam Trampam i prezidentam Ukrainy Uładzimiram Zialenskim ciapier prachodziać u značna bolš šyrokim składzie z boku ZŠA, čym raniej. Kali na papiarednich etapach dyjałoh viali pieravažna ziać Trampa Džared Kušnier i śpiecpradstaŭnik Trampa Styŭ Uitkaf, to ciapier da ich dałučylisia klučavyja pradstaŭniki amierykanskaj ułady.

Fota: AP Photo/Alex Brandon

Akramia samoha Trampa, Kušniera i Uitkafa, u pieramovach hetym razam udzielničajuć kiraŭnik Dziarždepartamienta Marka Rubijo, ministr abarony Pit Chiehsiet, a taksama staršynia Abjadnanaha kamiteta načalnikaŭ štaboŭ ZŠA Den Kiejn. Heta śviedčyć pra toje, što sustreča maje bolš aficyjny i stratehičny charaktar, čym zvyčajna.

Pry hetym u pieramovach hetym razam nie ŭdzielničaje vice-prezident ZŠA Džej Dzi Vens. Raniej, padčas lutaŭskaj sustrečy Trampa ź Zialenskim, jakaja skončyłasia skandałam, jon pavodziŭ siabie vielmi rezka, abvinavačvajučy ŭkrainskaha lidara ŭ niepavazie da Złučanych Štataŭ i asabista da Trampa.

Zakrytaja častka sustrečy Zialenskaha i Trampa prachodzić za abiedziennym stałom. Žurnalistaŭ Tramp paprasiŭ pakinuć zału ŭ davoli ekstravahantnym styli:

«Ci nie chočacie vy čaho-niebudź pierakusić u hety čas? Tak ci nie? Vy možacie adkazać? Tak? Dobra. Vyviedzicie ich na vulicu. Skažycie šef-kucharu. Pačastujcie ich nievialikaj kolkaściu łanča, dobra? Dziakuj vam, presa».

Paśla zaviaršeńnia pieramoŭ abiacajuć sumiesnuju pres-kanfierencyju Trampa i Zialenskaha.

Kamientary da artykuła