Danija stała pieršaj krainaj u Jeŭropie, jakaja admoviłasia ad dastaŭki papiarovych listoŭ
Pryčynaj takoha kroku stała rezkaje padzieńnie popytu.
Fota: Steffen Trumpf/picture alliance via Getty Images
Danija stała pieršaj krainaj u Jeŭropie, jakaja całkam admoviłasia ad dastaŭki papiarovych listoŭ paštovaj słužbaj, paviedamlaje CNN.
Pryčynaj takoha kroku stała rezkaje padzieńnie popytu. Pavodle danych za 2024 hod, abjom adpraŭlajemych u krainie papiarovych listoŭ skaraciŭsia bolš čym na 90% u paraŭnańni ź pikavymi pakazčykami pačatku 2000‑ch hadoŭ.
Hramadzianie i biznes daŭno pierajšli na elektronnyja srodki kamunikacyi, a dziaržaŭnyja pasłuhi amal całkam pieraviedzieny ŭ ličbavy farmat.
Nacyjanalny paštovy apieratar PostNord užo prystupiŭ da praktyčnaj realizacyi reformy: pa ŭsioj krainie pačaŭsia demantaž kala 1500 vuličnych paštovych skryniaŭ. Ich prodaž niečakana staŭ papularnym siarod datčan, pieratvaryŭšy staryja sinija skryni ŭ nastalhičnyja artefakty minułaj epochi. Pry hetym kampanija praciahnie i navat naroščvaje dastaŭku pasyłak, čamu spryjaje bum elektronnaha handlu.