Stol u viciebskim šmatpaviarchoviku pravisła praź niapravilny ramont
Stała viadoma, što pryčynaj pravisańnia stolevaj plity ŭ šmatpaviarchovym domie na praśpiekcie Pieramohi ŭ Viciebsku staŭ ramont, praviedzieny z parušeńniem ustanoŭlenych normaŭ i bieź nieabchodnych dazvołaŭ. Pra heta paviedamiŭ načalnik adździeła žyllova-kamunalnaj haspadarki Viciebskaha harvykankama Ihar Duniec, pišuć «Vićbičy».
Fota: «Vićbičy»
Na hety momant zavieršany pieršy etap adnaŭlenčych rabot, i žychary kvater paciarpiełaha padjezda ŭžo viarnulisia ŭ svaje damy.
Haradskija słužby apieratyŭna ŭmacavali avaryjnuju plitu, vykarystaŭšy sučasnyja teleskapičnyja apory vysokaj tryvałaści. Heta dazvoliła stabilizavać kanstrukcyju i harantavać biaśpieku dalejšaha pražyvańnia.
Žychary kvatery, dzie adbyłosia paškodžańnie, a taksama kvatery, raźmieščanaj nad joj, zmohuć viarnucca dadomu zaŭtra — paśla poŭnaha zakančeńnia ŭsich rabot.