Va Urocłavie na vakzale zatrymali biełarusa, jaki znachodziŭsia ŭ vyšuku
Supracoŭniki apieratyŭna-interviencyjnaj hrupy Urocłaŭskaj słužby achovy čyhunki zatrymali hramadzianina Biełarusi, jaki znachodziŭsia na terytoryi Jeŭrapiejskaha sajuza niezakonna. Mužčynu zaŭvažyli na čyhunačnaj płatformie — jon pavodziŭ siabie padazrona i pasprabavaŭ pajści, kali ŭbačyŭ palicyjantaŭ.
Fota: kgsok.pl
Zatrymanaha dastavili ŭ čyhunačny palicejski ŭčastak va Urocłavie. Padčas pravierki asoby vyśvietliłasia, što 34‑hadovy biełarus uniesieny ŭ Šenhienskuju infarmacyjnuju sistemu jak asoba, jakaja pry vyjaŭleńni padlahaje zatrymańniu, apytańniu i vysyłcy z krainy.
Taksama ŭstanoŭlena, što ŭ dačynieńni da jaho dziejničaje rašeńnie ab abaviazkovym vyjeździe z terytoryi Polščy na padstavie adpaviednaha rehłamientu Jeŭrasajuza, bo jon źjaŭlajecca hramadzianinam treciaj krainy. Dalejšyja pracesualnyja dziejańni viadzie palicyja Urocłava.
Čytajcie taksama:
U Hiermanii 15‑hadovy biełarus ź siabram padpalili na vulicy kaladnuju jalinku
U Polščy zatrymali biełarusa z padsankcyjnaj nadzimanaj łodkaj
U Salečnikach zatrymali biełarusa z cyharetami na 217 tysiač jeŭra