Pry pierahruzcy aŭtamabilaŭ z ZŠA biełaruskija mytniki znajšli ŭ hruzie janota FOTY

U Biełarusi padčas pierahruzki kantejniera ź lehkavymi aŭtamabilami z ZŠA supracoŭniki Hrodzienskaj mytni znajšli niezvyčajnaha «padarožnika» — janota. Žyviolina spakojna dramała na piaredniaj paneli adnaho z aŭto, piša pres-słužba Dziaržaŭnaha mytnaha kamiteta.

Miarkujecca, što janot prakraŭsia ŭ kantejnier jašče ŭ ZŠA i, niahledziačy na niekalki dzion pierapraŭki praz Atłantyčny akijan, dabraŭsia da biełaruskaha pamiežža.

Nieŭzabavie paśla znachodki śpiecyjalisty zabiaśpiečyli žyviolinie adpaviedny dohlad, a paśla jaje adpravili na karancin na Ašmianskuju rajonnuju vieterynarnuju stancyju. Tam za zdaroŭjem janota buduć uvažliva nazirać.

Paśla skančeńnia karancinu vyznačać dalejšy los žyvioliny: jaje mohuć pieradać u Nalibockuju pušču ci u Hrodzienski zaapark — rašeńnie zaležyć ad stanu zdaroŭja janota.

Kamientary da artykuła