U Minsku zatrymali arhanizataraŭ nielehalnaj mihracyi, jakija brali pa 250 rubloŭ štomiesiačnaha padatku z kožnaha prybyłaha
Zatrymańni pravodzilisia apieratyŭnikami 3‑ha ŭpraŭleńnia HUBAZiKa pry siłavoj padtrymcy bajcoŭ asobnaha atrada śpiecpryznačeńnia ŭnutranych vojsk «Bierkut».
Byli zatrymanyja dvoje zamiežnych hramadzian i žycharka Biełarusi. Jany arhanizavali šeruju schiemu lehalizacyi ŭ našaj krainie pradstaŭnikoŭ siarednieazijackaha rehijona, paviedamlaje pres-słužba MUS.
Paviedamlajecca, što jany spryjali mihrantam u niezakonnym ujeździe i znachodžańni na terytoryi Biełarusi. Vyrablali i padavali ŭ dziaržaŭnyja ŭstanovy zahadzia padroblenyja dakumienty jak ad fiktyŭnych, tak i ad realnych pracadaŭcaŭ. Takim čynam zabiaśpiečvali nielehałam atrymańnie viz i dazvołaŭ na časovaje pražyvańnie ŭ Biełarusi.
Za svaje pasłuhi ašukancy atrymlivali pa 200—250 dalaraŭ z čałavieka, a taksama da 250 rubloŭ štomiesiačnaha «padatku» z kožnaha. Papiarednie ŭstanoŭlena bolš za 100 klijentaŭ. Mnohija ź ich pracavali tut taksistami, padsobnymi rabočymi na rynkach i na pradpryjemstvach hramadskaha charčavańnia.
Zaviedziena kryminalnaja sprava za arhanizacyju kanała niezakonnaj mihracyi. Nielehałaŭ čakaje vydvareńnie z krainy.