Juliju Cimašenka adpuścili pad zakład 765 tysiač dalaraŭ
Vyšejšy antykarupcyjny sud taksama zabaraniŭ joj vyjezd z Kijeŭskaj vobłaści.
Eks-premjera Juliju Cimašenka adpuścili pad zakład 33 młn hryŭniaŭ (760 tysiač dalaraŭ). Raniej jana skardziłasia, što nie moža apłacić zakład praz zabłakavanyja rachunki.
Vyšejšy antykarupcyjny sud taksama zabaraniŭ joj vyjezd z Kijeŭskaj vobłaści, paviedamlaje «RBK-Ukraina».
Śpiecyjalizavanaja antykarupcyjnaja prakuratura prapanoŭvała adpuścić Cimašenka za zakład sumaj 50 młn hryŭniaŭ (1,15 młn dalaraŭ).
Raniej u Cimašenka pravodzili vobšuki, jaje pryznali padaravanaj pa spravie ŭ tym, što jana davała deputatam Viarchoŭnaj Rady chabar, kab jany hałasavali za peŭnyja zakanadaŭčyja prajekty.