Na vybarach u novuju Kaardynacyjnuju radu zachavajucca hiendarnyja kvoty

Kaardynacyjnaja rada 20 studzienia pryniała praviły praviadzieńnia vybaraŭ delehataŭ jaje 4‑ha sklikańnia, paviedamlajecca ŭ telehram-kanale KR. U hałasavańni pa hetym pytańni ŭdzielničali 42 delehaty z 80: 40 prahałasavali «za», 2 ustrymalisia.

Vybary projduć 11—17 maja 2026 hoda ŭ anłajn-farmacie. Sistema hałasavańnia budzie praparcyjnaj, a dla ŭdziełu ŭ raźmierkavańni mandataŭ nieabchodna nabrać jak minimum 3% hałasoŭ.

Padavać kandydatury mohuć «vybarčyja subjekty»: palityčnyja partyi, ustanoŭčyja kamitety partyj, arhanizacyi hramadzianskaj supolnaści, frakcyi KR ciapierašniaha sklikańnia, ich kaalicyi, a taksama hrupy hramadzian, jakija adpaviadajuć patrabavańniam pravił vybaraŭ. Kožny subjekt pavinien mieć nazvu, palityčnuju prahramu i abviaścić svaje kaštoŭnaści ci ideałohiju.

Subjekty pavinny padać śpis minimum z 10 kandydataŭ z zachavańniem hiendernaj kvoty nie mienš za 40% pradstaŭnikoŭ mienš pradstaŭlenaha połu. Pry abjektyŭnaj niemahčymaści vykanać hetuju kvotu (naprykład, u arhanizacyj biaśpieki abo vieteranskich struktur) kamisija moža źnizić jaje da 20%.

Bolš padrabiaznaje pałažeńnie ab vybarach budzie apublikavana paźniej, paśla ŭniasieńnia nieabchodnych źmien.

Kamientary da artykuła