U Biełarusi płanujuć zabaranić aborty ŭ pryvatnych miedcentrach
Ministerstva achovy zdaroŭja Biełarusi rychtuje poŭnuju zabaronu na praviadzieńnie abortaŭ u pryvatnych klinikach. Pra heta paviedamiŭ ministr Alaksandr Chadžajeŭ u parłamiencie.
Pavodle słoŭ ministra, takaja norma ŭžo ŭklučanaja ŭ prajekt Kodeksa ab achovie zdaroŭja. Asnoŭnym arhumientam ułady nazyvajuć «nizkuju efiektyŭnaść» pracy pryvatnikaŭ z žančynami. Chadžajeŭ zajaviŭ, što ŭ dziaržaŭnych ustanovach pieradabortnaje kansultavańnie pracuje značna lepš i čaściej dapamahaje pierakanać žančynu pakinuć dzicia.
Akramia taho, u parłamiencie abmiarkoŭvajuć mahčymaść skaračeńnia terminu, na jakim dazvolena pieraryvać ciažarnaść pa žadańni žančyny, — z 12 da 9 tydniaŭ. Ministr nazvaŭ hetaje pytańnie składanym i adznačyŭ, što jano patrabuje «jakasnaj prapracoŭki» z boku miedykaŭ.