Dadatki Biełhazprambanka vydalili z App Store
Dadatki Biełhazprambanka vydalili z App Store, paviedamlaje pres-słužba banka.
«Pa pryčynach, jakija nie zaležać ad Biełhazprambanka, našy mabilnyja dadatki DailyFin, BGPB mobile i BGPB Business stali niedastupnymi dla zahruzki ŭ App Store», — havorycca ŭ paviedamleńni pres-słužby.
Raniej ustalavanyja dadatki praciahvajuć pracavać. Rekamiendujecca ich nie vydalać, bo paśla hetaha budzie niemahčyma adnavić.
Adnak push-paviedamleńni pierastanuć pastupać na pryłady. Kamanda banka pracuje nad apieratyŭnym vyrašeńniem hetaj situacyi.
Raniej z App Store byli vydalenyja dadatki Alfa-Banka i Bielinviestbanka.