Futbalisty «Mančester Sici» viernuć zaŭziataram hrošy za kvitki paśla niečakanaj haściavoj parazy ŭ Lizie čempijonaŭ
«Mančester Sici» 20 studzienia prajhraŭ u haściach u matčy Lihi čempijonaŭ narviežskamu «Bude-Hlimt» ź likam 3:1.
Futbalisty «Sici» pierad trybunaj sa svaimi zaŭziatarami. Fota: Michael Regan — UEFA/UEFA via Getty Images
Vynik, miakka kažučy, rasčaravaŭ fanataŭ, asabliva ŭličvajučy, što im daviałosia dabiracca ŭ maleńki horad za Palarnym kołam.
Tamu viadučyja hulcy anhlijskaj kamandy — Erlinh Chołand, Biernardu Siłva, Rubien Dyjaš i Rodry — zajavili, što viernuć 374 zaŭziataram hrošy za kvitki.
«My viedajem, na jakija achviary iduć našy zaŭziatary, padarožničajučy pa ŭsim śviecie, kab padtrymać nas, i my nikoli nie ŭsprymajem heta jak niešta zrazumiełaje.
Apłata koštu kvitkoŭ dla tych, chto pryjechaŭ u Bude, — heta najmienšaje, što my možam zrabić», — zajavili hulcy.
Ahulny košt kvitkoŭ dla pryjechaŭšych na vyjazny matč — kala 12,5 tysiačy dalaraŭ.