Francyja zatrymała ŭ Mižziemnym mory tankier rasijskaha cieniavoha fłotu
Ranicaj 22 studzienia VMS Francyi ŭziali na abardaž padsankcyjny naftavy tankier, jaki ruchaŭsia z Rasii, paviedamiŭ prezident Francyi Emanuel Makron.
Zdymak ilustracyjny. Fota: Marinetraffic
«Apieracyja pravodziłasia ŭ adkrytym mory ŭ Mižziemnamorji pry padtrymcy šerahu našych sajuźnikaŭ. Jana ažyćciaŭlałasia ŭ strohaj adpaviednaści z Kanviencyjaj AAN ab marskim pravie. Raspačataje sudovaje rasśledavańnie», — napisaŭ Makron u sacsietcy X.
Paśla hetaha sudna było vymušana źmianić kurs.
«My poŭnyja rašučaści vykonvać mižnarodnaje prava i zabiaśpiečvać efiektyŭnaje vykanańnie sankcyj. Dziejnaść «cieniavoha fłotu» spryjaje finansavańniu ahresiŭnaj vajny suprać Ukrainy», — dadaŭ prezident Francyi.
Čytajcie taksama:
ZŠA zatrymali ŭžo šosty zamiežny tankier, źviazany ź Vieniesuełaj
Tramp vyrašyŭ zachoplivać rasijskija tankiery, bo Pucin jaho «stamiŭ»
U ekipažy zatrymanaha tankiera rasijskaha cieniavoha fłotu — 17 ukraincaŭ