Bieły dom uklučyŭ u skład Rady miru zamiest Biełarusi Bielhiju
Bieły dom apublikavaŭ pieralik krain, jakija nibyta dałučylisia da Rady miru — inicyjatyvy, zasnavanaj prezidentam ZŠA Donaldam Trampam. Adnak u śpisie pamyłkova źjaviłasia Bielhija, a Biełarusi, niahledziačy na ŭvieś entuzijazm, prajaŭleny napiaredadni Alaksandram Łukašenkam, u im pieršapačatkova nie akazałasia.
Bieły dom u Vašynhtonie. Fota: Walter Bibikov / Getty Images
Ministr zamiežnych spraŭ Bielhii Maksim Prevo adreahavaŭ na heta ŭ sacsietcy X, zajaviŭšy, što jahonaja kraina nie padpisvała Chartyju Rady miru i što zajava Biełaha doma nie adpaviadaje rečaisnaści. Pavodle jaho słoŭ, Bielhija, jak i mnohija inšyja krainy ES, vystupaje za ahulny jeŭrapiejski padychod i stavicca da hetaj inicyjatyvy z aściarohaj.
Paźniej uradavyja krynicy paćvierdzili, što pryčynaj incydentu stała banalnaja błytanina ŭ nazvach krain — Biełaruś pryniali za Bielhiju.
Čytajcie taksama:
Tramp padpisaŭ statut Rady miru
Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa
U AAN adkazali, ci ŭschvalavanyja tam źjaŭleńniem Rady miru Trampa jak kankurenta arhanizacyi
Pucin prapanavaŭ uziać miljard za členstva Rasii ŭ Radzie miru z zamarožanych aktyvaŭ
Łukašenka raskazaŭ, čamu nie budzie płacić Trampu miljard za členstva ŭ Radzie miru