Tramp adklikaŭ zaprašeńnie Kanady ŭ Radu miru
Dvumia dniami raniej premjer Kanady Mark Karni, vystupajučy ŭ Davosie z pramovaj, zajaviŭ, što śviet znachodzicca «ŭ pracesie razryvu, a nie pierachodu».
Mark Karni i Donald Tramp padčas samitu ATES u listapadzie 2025 hoda. Fota: Evan Vucci / AP
Tramp adklikaŭ zaprašeńnie Kanady ŭ Radu miru.
«Pavažany spadar premjer-ministr Karni! Hetym listom paviedamlajem, što Rada miru adklikaje nakiravanaje vam zaprašeńnie nakont ustupleńnia Kanady ŭ skład taho, što stanie samaj prestyžnaj radaj lidaraŭ, jakaja kali-niebudź źbirałasia ŭ historyi», — napisaŭ Tramp u sacyjalnaj sietcy Truth Social.
Napiaredadni Tramp u prysutnaści lidaraŭ amal 20 krain (pieravažna Blizkaha Uschodu i Paŭdniovaj Amieryki) padpisaŭ statut stvoranaj im Rady miru — novaha mižnarodnaha orhana, jaki faktyčna zaklikany stać alternatyvaj AAN, kudy ŭvojduć taksama Biełaruś, Ukraina i Rasija.
Dvumia dniami raniej premjer-ministr Kanady Mark Karni, vystupajučy ŭ Davosie z pramovaj, zajaviŭ, što śviet znachodzicca «ŭ pracesie razryvu, a nie pierachodu», i zaklikaŭ «siarednija krainy» abjadnoŭvacca, kab adstojvać svaje intaresy ŭ baraćbie z mahutnymi. Taksama jon paćvierdziŭ hatoŭnaść Kanady akazvać padtrymku Hrenłandyi, Danii i aljansu NATA.
Čytajcie taksama:
Premjer Kanady: Stary suśvietny paradak nie vierniecca, siarednim dziaržavam treba trymacca razam