«Vaš maskoŭski haspadar sto hadoŭ nie pratrymajecca». Ministr zamiežnych spraŭ Ukrainy rezka adkazaŭ Orbanu
Kiraŭnik MZS Ukrainy Andrej Sibiha ŭ sacsietcy X rezka adkazaŭ premjer-ministru Vienhryi Viktaru Orbanu, jaki zajaviŭ, što Budapiešt nibyta «nie dapuścić ustupleńnia Ukrainy ŭ ES ciaham 100 hadoŭ».
Andrej Sibiha. Fota: AP Photo / Efrem Lukatsky
U adkaz Sibiha zajaviŭ, što hety płan nierealistyčny:
«Hety płan asudžany na pravał, spadar premjer-ministr. Vaš haspadar u Maskvie nie pratrymajecca 100 hadoŭ. Navat kali b vy byli hatovyja achviaravać jamu ŭsie orhany».
Taksama Sibiha zajaviŭ, što ŭ dzień ustupleńnia Ukrainy ŭ ES hetuju zajavu Orbana paviesiać u ramcy ŭ Viarchoŭnaj Radzie jak napamin pra jahonuju chłuśniu na nastupnyja 100 hadoŭ.
Čytajcie taksama:
Orban: U najbližejšyja sto hadoŭ Vienhryja nie dazvolić Ukrainie stać členam ES
Zialenski ŭ Davosie publična zaklikaŭ Jeŭropu dać Orbanu pa karku. Orban adkazaŭ
Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa