Pavyšajuć taryfy na žyllova-kamunalnyja pasłuhi

Ukaz ab pavyšeńni taryfaŭ na žyllova-kamunalnyja pasłuhi padpisaŭ Alaksandr Łukašenka.

Kamunalnyja płaciažy ŭ Biełarusi vyrastuć na 22,5 rubli — raźlik zrobleny dla siamji z troch čałaviek, jakaja žyvie ŭ dvuchpakajovaj kvatery płoščaj 48 kv. m pry standartnym spažyvańni pasłuh.

Pavyšeńnie projdzie ŭ dva etapy:

• sa studzienia taryfy vyrastuć na ŭsie pasłuhi, akramia aciapleńnia i haračaj vady, — na 19,37 rubla;
• z červienia padaražeje ciepłavaja enierhija dla aciapleńnia i haračaha vodazabieśpiačeńnia — jašče na 3,13 rubla.

Pavodle raźlikaŭ administracyi Łukašenki, apłata ŽKP składzie kala 3,5% dachodu siamji z dvuma ludźmi, jakija pracujuć, i 7,5% — dla siamji z dvuch piensijanieraŭ.

Sistema bieznajaŭnych žyllovych subsidyj zachavajecca: dapamoha naležyć tym, u kaho vydatki na kamunałku pieravyšajuć 20% dachodu ŭ horadzie i 15% — u sielskaj miascovaści.

Kamientary da artykuła