U Śviatłany Cichanoŭskaj novy daradca pa pytańniach ekałohii
Śviatłana Cichanoŭskaja pryznačyła byłoha kiraŭnika partyi «Zialonyja» i byłoha palitviaźnia Dźmitryja Kučuka daradcam u pytańniach ekałohii, paviedamlaje pres-słužba palityka.
Dźmitryj Kučuk — staršynia źlikvidavanaj uładami partyi «Zialonyja», były palitźniavoleny (vyzvaleny 11 vieraśnia 2025 hoda ŭ vyniku pieramoŭ z ZŠA).
Jaho zadačami buduć: raspracoŭka pazicyj Ofisa pa pytańniach ekałohii, raźvićcio supracoŭnictva ź biełaruskimi i mižnarodnymi zialonymi arhanizacyjami, kaardynacyja mierapryjemstvaŭ da 40‑hodździa Čarnobylskaj katastrofy, u tym liku praviadzieńnie Čarnobylskaha Šlachu. Dźmitryj Kučuk budzie taksama ŭdzielničać u padrychtoŭcy reformaŭ i zakanadaŭčych inicyjatyŭ dla novaj Biełarusi. Jon budzie pracavać pa-za štatam, paviedamlaje pres-słužba.
Dźmitryj Kučuk padziakavaŭ za davier i pryznačeńnie: «Pracujem razam dla ekałahičnaj novaj Biełarusi», — skazaŭ jon.