Rasijskija dypłamaty bolš nie buduć svabodna pieramiaščacca pa Jeŭropie
U šerahu krain Jeŭrasajuza rasijskim dypłamatam pačali abmiažoŭvać svabodnaje pieramiaščeńnie. Niderłandy i Aŭstryja ŭviali novyja praviły, pra što paviedamili rasijskija dypłamatyčnyja misii ŭ Haazie i Vienie, piša The Moscow Times.
Zdymak ilustracyjny. Fota: vecteezy.com
Ministerstva zamiežnych spraŭ Niderłandaŭ aficyjna prainfarmavała rasijskaje pasolstva pra źmieny paradku, nazvaŭšy ich častkaj sistemnaj palityki cisku. Aŭstryja, u svaju čarhu, nakiravała notu, pavodle jakoj rasijskija dypłamatyčnyja i administracyjnyja supracoŭniki, nie akredytavanyja ŭ krainie, pavinny zahadzia paviedamlać pra ŭjezd i tranzit.
Hetyja miery źjaŭlajucca realizacyjaj 19‑ha pakieta sankcyj ES suprać Rasii, pryniataha ŭ kastryčniku 2025 hoda. Jak adznačała kiraŭnica jeŭrapiejskaj dypłamatyi Kaja Kałas, sankcyi nakiravanyja ŭ tym liku na abmiežavańnie pieramiaščeńnia rasijskich dypłamataŭ dziela supraćdziejańnia mahčymym sprobam destabilizacyi ŭ Jeŭropie.
Zhodna z novymi praviłami, z 25 studzienia rasijskija dypłamaty mohuć svabodna pierasoŭvacca tolki ŭ miežach krainy svajoj akredytacyi, a pra ŭsie inšyja pajezdki pavinny paviedamlać zahadzia. U ES tłumačać heta nieabchodnaściu ŭzmacnieńnia kantrolu za dziejnaściu zamiežnych dziaržaŭnych słužboŭcaŭ na fonie rostu varožaj raźviedvalnaj aktyŭnaści.
Raniej, u vieraśni 2025 hoda, Čechija zabaraniła ŭjezd rasijskim dypłamatam i ŭładalnikam słužbovych pašpartoŭ biez akredytacyi. Pa słovach ministra zamiežnych spraŭ Jana Lipaŭskaha, heta było źviazana z pavieličeńniem kolkaści dyviersij u krainach Šenhienskaj zony.
Čytajcie taksama:
Kiraŭnikom rasijskaj dyviersijnaj sietki ŭ Polščy byŭ uradženiec Ukrainy z pašpartam RF
U Polščy raskazali padrabiaznaści pra spravu rasijskaha apazicyjaniera, jaki akazaŭsia špijonam
Jak Rasija z dapamohaj karabla-špijona sočyć za padvodnymi kabielami Jeŭropy