Piaskoŭ panarakaŭ na «deficyt siabroŭskich pačućciaŭ», što ź niekatorymi krainami zachoŭvajecca stahodździami
Pradstaŭnik Kramla nie razumieje pryčyny takoha staŭleńnia.
Fota: Alexei Danichev / Sputnik / Kremlin Pool Photo via AP
«Deficyt siabroŭskich pačućciaŭ», sa słovaŭ Piaskova, ź niekatorymi krainami zachoŭvajecca na praciahu stahodździaŭ, jakija «čamuści bajacca i demanizujuć» Rasiju.
«Jość krainy, ź jakimi na praciahu mnohich stahodździaŭ u nas, skažam tak, deficyt siabroŭskich pačućciaŭ. Voś uziać, naprykład, Polšču. Voś z Polščaj u nas sapraŭdy prablema. Z Prybałtykaj u nas sapraŭdy prablema. Jany ŭvieś čas nas čamuści bajacca, nas demanizujuć. I ŭsie, chto prychodzić tam da ŭłady, pačynajuć prosta luta nienavidzieć Rasiju i ruskich», — kaža Piaskoŭ.
Ad takoha staŭleńnia da Rasii hetyja krainy šmat stračvajuć, ličyć pradstaŭnik Kramla.
«Ci pamyłka heta? Pamyłka, vialikaja pamyłka. Tamu što z ruskaj kultury, z uzajemadziejańnia z Rasijaj hetyja krainy mahli b zapazyčyć vielmi šmat», — miarkuje Piaskoŭ.
Maksim Ryžankoŭ, ministr zamiežnych spraŭ Biełarusi, dniami zajaviŭ, što spadziajecca na chutkaje adnaŭleńnie adnosin z Polščaj. A voś Litvu nazvaŭ «niepradkazalnaj».